یا فتاح: مشکل کشائی، رزق میں فراخی، اور غیبی مدد کے لیے آزمودہ وظائف و عملیات
یا فتاح — فتح اور کشادگی کا اسمِ مبارک
سب سے پہلے ہم لفظ "فتح” کے لغوی معنی کھولنے اور حکم جاری کرنے کے ہیں۔ اس کی مختلف صورتیں ہیں، مثلاً مشکل کشائی، سربستہ رازوں کو منکشف کرنا اور مخلوق پر حاکم ہونا۔ جب ہم اللہ تعالیٰ کے نام "یا فتاح” کو پکارتے ہیں تو دراصل اس ہستی سے التجا کرتے ہیں جو ہر مشکل کو آسان فرماتا ہے اور اپنے بندوں پر رحمت کے دروازے کھول دیتا ہے مزید یہ کہ اللہ تعالیٰ کے اسی اسمِ پاک کی خاصیت ہے کہ وہ رہنمائی کی روشنی عطا کرتا اور ہر طرح کی فتوحات اور کامیابیوں کے اسباب مہیا فرماتا ہے۔
اسمِ مبارک "یا فتاح” اور اس کے فضائل
- یہ اسمِ پاک جلالی ہے اور اس کا عنصر آتشی ہے۔
- ابجدِ قمری کے مطابق اس کے اعداد 489 ہیں۔
- اس کے موکِّل کا نام "ممحائیل” ہے، جس کے ماتحت چار افسر ہیں:
- سرحماکیل
- عزرائیل
- اسرافیل
- تنکفیل
- ہر افسر 489 صفوں کا مالک ہے اور ہر صف میں 489 فرشتے ہیں۔
- یہ سب موکِّلین برکتوں کی کنجیاں رکھتے ہیں اور اسمِ مبارک "یا فتاح” کی تلاوت اور ریاضت کرنے والوں کے لیے آسانیاں فراہم کرتے ہیں۔
اسمِ مبارک کی برکت اور کشائش کے مجرب اعمال
- جمعہ کے روز لکھ کر پاس رکھنا
اگر جمعہ کے روز اس اسم کو لکھ کر پاس رکھا جائے اور مسلسل اس کی تلاوت کی جائے تو حیرت انگیز نتائج اور عجائبات دیکھنے کو ملتے ہیں۔ - رزق اور برکت کے لیے نقشِ مخمس
حضرت ابوالحسن شاذلی رحمتہ اللہ علیہ فرماتے ہیں کہ اگر رزق اور برکت مطلوب ہو تو اسماء مبارکہ:
"الرَّزَّاقُ الوَهَّابُ الفَتَّاحُ الغَنِيُّ المُغْنِيُّ”
کو نقشِ مخمس میں لکھ کر اس کے وسط میں اپنی حاجت درج کریں۔
ساتھ ہی اس آیت مبارکہ:
"حسبنا اللہ و نعم الوکیل”
کو 313 مرتبہ ورد میں رکھیں۔ ہر سو (100) مرتبہ پر دعا کریں اور مشک و عنبر کا بخور روشن کریں۔ پھر اس نقشِ مخمس کو عمامہ میں رکھیں یا سیدھے بازو پر باندھ لیں۔ اس عمل کو آٹھ دن تک جاری رکھیں، اِن شاء اللہ غیبی مدد حاصل ہوگی۔
اس نقش کے ساتھ ایک مخصوص دعا بھی منقول ہے جسے حضرت ابوالحسن شاذلی رحمتہ اللہ علیہ نے تحریر فرمایا ہے۔
اللَّهُمَّ ارْزُقْنِي يَا رَزَّاقُ مِنْ حَيْثُ لَا أَحْتَسِبُ
اللَّهُمَّ يَا وَهَّابُ هَبْ لِي مِنْ لَدُنْكَ رَحْمَةً
اللَّهُمَّ يَا فَتَّاحُ افْتَحْ لِي أَبْوَابَ الْغِنَى
اللَّهُمَّ يَا غَنِيُّ أَغْنِنِي
اللَّهُمَّ يَا مُغْنِيُّ أَغْنِنِي بِخَيْرٍ وَبِرِّكَ
إِنَّكَ عَلَى كُلِّ شَيْءٍ قَدِيرٌ
کیا آپ نے اسم جلالہ "اللہ” کے یہ خواص پڑھے ہیں ؟
دل کی صفائی اور کشادگی کے لیے عمل
- نماز فجر کے بعد دونوں ہاتھ سینے پر رکھ کر ستر مرتبہ "یا فتاح” پڑھنے سے دل سے روحانی زنگ اور کدورتیں دُور ہوتی ہیں۔
- یہ عمل قلبی سکون اور نورانیت کا باعث ہے۔
امام بونی رحمتہ اللہ علیہ کا فرمان
امام بونی رحمتہ اللہ علیہ کے مطابق یہ اسم مبارک سائلوں کے لیے بہت مؤثر ہے۔ جو بھی اس کا ورد کثرت سے کرے، اللہ تعالیٰ اس پر فتوحات اور نصرت کے دروازے کھول دیتا ہے۔
مشکلات کو حل کرنے کے لیے مجرب طریقے
1۔ دو رکعت نماز کا خاص طریقہ
- پہلی رکعت میں سورۂ یٰسین پڑھی جائے۔
- دوسری رکعت میں سورۂ تبارک الذی۔
- رکوع سے پہلے اور بعد تسبیح پڑھی جائے، سجدے میں بھی تسبیح کا اہتمام کیا جائے۔
- اس کے بعد دعا مانگیں، اِن شاء اللہ مشکل حل ہو جائے گی۔
2۔ بعد از نماز عشاء 170 مرتبہ "یا فتاح” کی تلاوت
اگر کوئی شخص کسی الجھن میں ہو تو عشاء کے بعد 170 مرتبہ "یا فتاح” پڑھنا مشکل کشائی کا باعث بنتا ہے۔
ناگہانی آفات یا مصائب کی صورت میں عمل
حقیقت یہ ہے کہ اس حقیر نے اپنی عملیاتی زندگی میں ہزاروں اعمال سے استفادہ حاصل کیا ہے نہ صرف خود مستفید ہوا بلکہ بیشمار سائلین بھی مسلسل مستفید ہو رہے ہیں یوں تو شعبہ عملیات میں سینکڑوں عملیات موجود ہیں البتہ ذیل کا عمل اپنی مثال آپ ہے ۔ اگر کوئی ناگہانی مصیبت آ جائے یا اس کا اندیشہ ہو یا کوئی اہم کام درپیش ہو تو جمعہ کی رات کو پاکیزگی کے ساتھ چار رکعت نفل اس ترتیب سے ادا کریں:
پہلی رکعت میں سورۂ فاتحہ کے بعد 100 مرتبہ "اَفَوِّضُ اَمْرِی اِلَی اللّٰہ”
دوسری رکعت میں سورۂ فاتحہ کے بعد 100 مرتبہ "اَلَا اِلَی اللّٰہِ تَصِیْرُ الْاُمُور”
تیسری رکعت میں سورۂ فاتحہ کے بعد 100 مرتبہ "نَصْرٌ مِّنَ اللّٰہِ وَفَتْحٌ قَرِیْب”
چوتھی رکعت میں سورۂ فاتحہ کے بعد 100 مرتبہ "اِنَّا فَتَحْنَا لَکَ فَتْحًا مُّبِیْنًا”
نماز کے بعد بیٹھ کر 100 مرتبہ "غُفْرَانَکَ رَبَّنَا وَ اِلَیْکَ الْمَصِیْر” پڑھیں، پھر سجدے میں جا کر 100 مرتبہ "اَسْتَغْفِرُاللّٰہَ وَاَتُوْبُ اِلَیْہ” پڑھیں۔
عاملین کا تجربہ ہے کہ سجدے سے سر اُٹھانے سے قبل حاجت پوری ہو جاتی ہے۔
فراخیِ رزق کے لیے نقش
فراخیِ رزق کے لیے اس مجرب نقش کو چاندی کے پترے پر کندہ کیا جاتا ہے۔ یہ کسی سعید ساعت میں ایسے شخص سے کروایا جائے جس نے حروف تہجی کی زکات ادا کی ہو۔
- اس کا پانی پینے اور کسی اہم مقدمے یا مشکل کام سے پہلے منہ اور ہاتھوں پر مل کر جانے سے غیبی مدد کا حصول ممکن ہوتا ہے۔
- لوازمات نقوش کا خیال رکھتے ہوئے نقش پُر کیا جائے گا ۔
- سر نقش 786 ، جبکہ چاروں اطراف آیہ مبارکہ انا فتحنالک فتحاً مبیناً تحریر کی جائے گی ۔
اسمِ فتاح کا نقشِ مربع ذوالکتابت برائے حل المشکلات
اسمِ فتاح کا مربع ذوالکتابت پاس رکھنے سے ظاہری اور باطنی مشکلات آسان ہو جاتی ہیں۔ اس سے ہر ضرورت میں سہولت اور راحت ملتی ہے اور خیر و برکت کے دروازے کھلتے ہیں۔
- اسے بھی چاندی کے پترے پر مخصوص ضابطوں کے تحت کندہ کیا جائے۔
- عمل میں کامیابی کے لیے:
- پہلے دو رکعت نماز ادا کریں:
- پہلی رکعت میں سورۂ فاتحہ کے بعد "وَعِندَہٗ مَفَاتِیحُ” (سورۂ انعام سے)
- دوسری رکعت میں "وَ مَا مِنْ دَابَّۃٍ” سے "رِزْقُهَا” تک (سورۂ ہود سے) پڑھیں۔
- سلام کے بعد استغفراللہ الغفور الرحیم کی کثرت کریں۔
- پہلے دو رکعت نماز ادا کریں:
- اس عمل کو ہر ہفتے ایک مرتبہ دُہرانے سے رزق میں فراخی اور محتاجی سے حفاظت ہوتی ہے۔
مخصوص ریاضت برائے فتح و کشادگی
اگر کوئی شخص 18 دنوں میں 80,793 مرتبہ "یا فتاح” کا ورد کرے تو عالمِ غیب سے متواتر فتوحات اور کشادگی حاصل ہوتی ہے۔ ریاضت مکمل ہونے کے بعد بطور مداومت روزانہ 500 مرتبہ اس کا ورد جاری رکھنا چاہیے۔
الغرض
- یا فتاح اللہ تعالیٰ کا ایک صفاتی نام ہے جس کا تعلق فتح، کشادگی اور مشکل کشائی سے ہے۔
- اس اسم کی برکات سے نہ صرف دل کی صفائی اور روحانی سکون حاصل ہوتا ہے بلکہ رزق اور دیگر دنیوی معاملات میں بھی کشادگی نصیب ہوتی ہے۔
- متعدد بزرگانِ دین اور عاملین کاملین نے اس اسم کے نقش، وظیفوں اور مخصوص نمازوں کو آزمودہ قرار دیا ہے۔
- ثابت قدمی، درست نیت اور اللہ تعالیٰ کی رضا پر ایمان رکھتے ہوئے، ان اعمال سے بھرپور فائدہ اٹھایا جا سکتا ہے۔
اُمید ہے کہ یہ تحریر آپ کے لیے راہنمائی کا ذریعہ ثابت ہوگی دعا گو ہوں کہ ہر ضرورت مند کو اللہ تعالیٰ اس اسم مبارکہ سے مستفید ہونے کی توفیق عطا فرمائے اور اس سے منسوب اعمال کو اپنانے سے اللہ تعالیٰ آپ کی مشکلات کو دور فرمائے اور آپ کو ہر طرح کی کامیابی اور فتح سے نوازے۔ آمین۔
