کیا عدد آٹھ ( 8 ) نحس ہے ؟ قسط پنجم – مجرب تعویذ و نقوش

قارئین محترم ! ”  کیا عدد آٹھ نحس ہے ” کی پہلی قسط جون 2017  میں روحانی علوم ڈاٹ کام پر شائع ہُوئ اور قسط پنجم سال 2022 میں شائع ہو رہی ہے ۔ بندہ عاجز ، بے علم ، بے ہمت اِن چھ سالوں میں  صرف پانچ  اقساط ہی پیش کر سکا ۔ وجہ اُسکی ، میرے علم و  معلومات کے خزانے میں مناسباتِ عدد آٹھ کے موتیوں کی  عدم  دستیابی ہی بنتی رہی ۔ کیونکہ عدد آٹھ کی مناسبات ڈھونڈنے کے لئے مجھے گوگل پر سرچ کرنا پڑتا ہے ، اور نہ ہی کتابوں کی ورق گردانی کرنی پڑتی ہے ۔ بس جن مناسبات کی طرف اللہ ذہن لے جائے یا وہ جو دورانِ مطالعہ سامنے آجائیں ، تو اُن موتیوں کو چُن چُن کر پِرُو  پِرُو کر مالا آپ کی خدمت میں پیش کردیتا ہُوں ، محض توفیق ایزدی سے ۔ بعض اوقات مناسبات سامنے ہوتے ہُوئے بھی اُن کی طرف خیال نہیں جاتا ، اُسکی ایک مثال دیتا ہُوں ۔ پچھلی قسط چہارم میں اس عاجز نے امام جعفر صادق رضی اللہ عنہ کے بارے میں عدد آٹھ کی کچھ مناسبات ذکر کی تھیں ۔ ایک مناسبت اُس وقت سامنے ہوتے ہُوئے بھی مجھ پر ظاہر نہ ہوسکی ، وہ یہ کہ آپ کے والد گرامی امام محمد باقر رضی اللہ عنہ کے اسم گرامی کے ابجد قمری کے کل اعداد کا مفرد عدد بھی ۸ بنتا ہے ملاحظہ کیجئے ۔ کل اعداد اسم محمد باقر ، بحساب ابجد قمری ، ۳۹۵ =   مرکب اعداد ، ۴۴ = مفرد عدد ، ۸ ۔ قسط پنجم گزشتہ اقساط سے قدرے مُختلف ہو گی ، کیونکہ اس قسط میں ہم اُن مجرب تعویذ و نقوش کا ذکر کریں گے جو عدد آٹھ کی نسبت لئے ہُوئے ہیں  یہ مجرب نقوش عملیات کی مشہور کتابوں میں مذکور ہیں ۔ تعویذ عدد 8 کا ہر اک نقش بحوالہ ہو گا بمع  فوائد منسوبہ کے انشا ء اللہ ۔ کچھ نقوش میرے استخراج کردہ و وضع کردہ ہیں ۔ جن کی نشان دہی  بھی کر دی جائے گی ۔  انشا ء اللہ العزیز ۔

تو آیئے ابتداء بسم اللہ الرحمٰن الرحیم کے بابرکت تعویذ سے کرتے ہیں ۔

بسم اللہ الرحمٰن الرحیم کا با برکت تعویذ

تعویذ ” بسم اللہ الرحمن الرحیم "

فوائد تعویذ :  اگر ایک کاغذ پر پینتیس ۳۵ مرتبہ بسم اللہ الرحمٰن الرحیم لکھ کر گھر میں بطور تعویذ لٹکائیں تو شیطان کا گزر نہ ہو اور خوب برکت ہو ۔ اگر اس کاغذ کو دُکان پر لگائیں تو بہت فائدہ ہو اور خریدار کی نظر اس پر جم جائے گی ۔
حوالہ : (  شمس المعارف الکبریٰ ، فصل ۵ ، حصہ اول )
پینتیس 35 کا مفرد آٹھ 8 بنتا ہے ۔ اگر اس تعویذ کو نقش کی شکل میں لکھنا چاہیں ، تو ایک صُورت اُس کی اِس طرح بھی  وضع ہوتی ہے۔

 

تعویذِ ” مُحَمَّدٌ رَّسُوْلُ اللہ اَحْمَدُ رَسُوْلُ اللہ "

فوائد تعویذ : جو شخص بعد نماز جمعہ پاک صاف ہو کر  پینتیس ۳۵ مُحَمَّدٌ رَّسُوْلُ اللہ اَحْمَدُ رَّسُوْلُ اللہ لکھ کر اپنے پاس رکھے خدا تعالیٰ اسے غیب سے رزق عطا فرمائے گا ، اسکو طاعت پر قوت عطا فرماتا ہے اور اس کی برکت میں مدد فرماتا ہے اور شیاطین کے وسوسے سے حفاظت فرماتا ہے اور اگر اس پرچہ کو روزانہ طلوع آفتاب کے وقت درُود شریف پڑھتے ہُوئے غور سے دیکھتا رہے تو نبی کریم صلی اللہ علیہ والٰہ وسلم کی زیارت خواب میں کثرت سے ہُوا کرے ۔

حوالہ : (  گنجینہ اسرار ، باب کشائش رزق ، کتاب فضائل درُود شریف صفحہ ۵۵ ، از شیخ الحدیث حضرت مولانا محمد زکریا رحمہ اللہ بحوالہ کتاب حیٰوۃ الحیوان از علامہ دمیری رحمہ اللہ )

پینتیس ۳۵ کا مفرد عدد ۸ بنتا ہے ۔ اگر اس تعویذ کو نقش کی شکل میں لکھنا چاہیں تو ایک شکل مندرج بالا بسم اللہ کے تعویذ کی شکل کی طرح بناسکتے ہیں ۔ اسکے علاوہ بھی کئ شکلیں وضع ہو سکتی ہیں ۔

نقش ” سُورۃ الفاتحہ  ” مُثمن ( 8×8 )

فوائد نقش : جو کوئ ہر روز سُورہ فاتحہ کا نقش مبارک باوضو حالت میں لکھے اور تھوڑے سے پانی میں اس کو گھول کر اس پاک پانی سے آٹے کی گولی بنائے اور ہر روز برابر چالیس ۴۰ یوم تک دریا میں ڈال دے تو انشا ء اللہ تعالیٰ اس کی روزی میں برکت ہو گی ۔ اگر بے روزگار ہے تو اس کے لئے غیب سے روز گار کے اسباب پیدا ہوں گے ۔

یہی نقش اگر گھول کر تین دن مریض کو پلائے تو اُسے شفا حاصل ہو اور اگر زبان بندی کے واسطے کسی میٹھی چیز میں ڈال کر کھلائے تو دشمن کی زبان بندی ہو گی اور وہ دوست بن جائے گا ۔

حوالہ : ( سُورہ فاتحہ کی عظمت و افادیت ، صٖفحہ ۴۰ ، ۴۱  ، از حضرت مولانا حسن الہاشمی رحمہ اللہ )

نقش ” آیتہ الکرسی ” مُثمن ( 8×8 )

فوائد نقش : میں نے آیتہ الکرسی کا نقش مثمن یعنی 8×8 بنایا ہے ۔ جس میں حقائق ابواب جنت اور حقائق
جملۃ العرش ہیں ۔ جو شخص اس کو مشتری کی ساعت میں جو سعد اکبر ہے یعنی جمعرات کے روز بعد  طلوع
آفتاب جب کہ قمر مشتری سے متصل ہو ، اتصال مودت اور شعاع کا ہو ۔ اس وقت اس کو خالص چاندی کی لوح پر پوری طہارت کے ساتھ خلوت میں آبادی سے باہر ہمت اور صفائ کے ساتھ کندہ کرے اور خوشبو عنبر ، عود وغیرہ روشن کرے اور اس روز روزہ بھی رکھے ایسی عجیب تاثیر دیکھے گا ، جس سے عقل حیران ہو گی ۔ جاننا چاہئے یہ نقش کافی اور رسم دانی امراء اور حکام کے لئے ہے ۔ جو شخص اس کو اپنے پاس رکھے ، اس کی عزت و ہیبت اور سعادت بڑھتی اور مرتبہ بلند ہوتا ھے ۔ اس پر برکتیں نازل ہوتی ہیں ، آفات سے مامون رہتا ہے ، اور کل حاجتیں پوری ہوتی ہیں اور اس میں اہل ہدایت کے اسرار اور اہل نہایت کے لئے انوار بھی ہیں ۔ نیز اس شکل کی طفیل حسب ذیل مطالب میں کامیابی ہوتی ہے ۔ دین ، صدق ، آداب ، توفیق ، قوت ، حفاظت ، غلبہ ، اطاعت ، لطف و محبت ، حفظ و کفایت ، امن و سلامت ، سلطنت ، حکومت ، ملک ، وزارت و رزق فراخی ، امارات ، خوشی و فہم ، جان و جاہ کی زیادتی اولاد کی فراوانی ہوتی ہے ۔  بیماری درد دُور ہوتا ہے ۔ جو شخص اس نقش کو سیسے کی لوح پر اس وقت نقش کرے جب کہ قمر عین شعاع میں ہو اور نقش کرنے سے پہلے ۱۲۸۹ مرتبہ عزیمت پڑھ چکا ہو تو اللہ اس سے ہر ایک ظالم کو اندھا کر دے گا ۔ اور اگر سچی حاجت  ہے تو سب کی نظروں سے پوشیدہ ہو جائے گا ۔ جو شخص شرف مشتری میں نیک طالع دیکھ کر سونے یا چاندی کی تختی پر نقش کندہ کرے اور گردن میں باندھ کر میدان جنگ میں جائے تو کامیاب و منصور ہو ۔ کسی حاسد کا حسد یا کسی دشمن کا شر اس کو نقصان نہیں پہنچائے گا ۔ حکام رؤسا اور خواتین کے نزدیک مقبول ہو اور جو کوئ اس کو دیکھے گا خوف کرے ،  لیکن ضروری ہے کہ جمعرات کو خوشبو روشن کرے کیونکہ جس جگہ خوشبو ہو وہاں خیر و برکت ہوتی ہے اور جس گھر میں یہ نقش ہو گا اللہ تعالی اس گھر سے ہر بلا فتنہ اور مرض کو دُور کر دے گا ۔ یہ نقش مرگی والے پر باندھا جائے فوراً آرام ہو ۔ بخار والے کو اس کا پانی دھو کر پلائیں فوراً آرام ہو ۔ ہر موزی کے دفعیہ کے لئے یہ نقش مفید ہے ۔ جیسے سانپ ، بچھو ، چور ، درندہ اور ہر وہ چیز جو زمین سے نکلتی اور آسمان سے اترتی ہے ۔ سب کے شر سے نقش رکھنے والے شخص محفوظ رہتا ہے ۔ یہی وہ حجاب ہے جس کے سبب سے حضرت ابراہیم علیہ السلام نے نمرود سے نجات پائ ۔ یونس علیہ السلام نے مچھلی سے نجات پائ ۔ جن و انس و ہوا  حضرت سلیمان علیہ السلام کے تابع ہوئے ۔ اور اسی میں وہ اسم اعظم بھی ہے ۔ جس کی برکت سے حضرت مُحمد صلی اللہ علیہ و آلہ وسلم  نے کافروں پر فتح پائ ۔ جو شخص اس کی انتہا کو پہنچ گیا وہ بکثرت مصائب سے محفوظ ہو جاتا ہے ۔ اس کے تمام خواص کا لکھنا یہاں مشکل ہے ۔ واضح باد جو شخص بغیر طہارت اس کو استعمال کرے گا ، خُدا اس کو کسی مرض میں مبتلا کر دے گا ۔ اس کا عمل وہ شخص کرے جو ریاضت اور مجاہدہ کرتا ہے ۔ جس کی رُوح مجاہدوں کے نُور سے قوی ہو گئ ہو ۔ یہ عمل خیر حاصل کرنے میں عجیب پُر تاثیر ہے ۔ بیماریوں کے دفع کرنے میں مریض پر لکھ کر باندھنی چاہیئے ۔ اسے شرف شمس میں نہایت پاکیزگی کے ساتھ لکھے اور حکام سے ملاقات کرے ، اگر کسی مکان سے دشمن کو نکالنا چاہو تو مکان میں دفن کرو اور موزی یعنی سانپ ، بچھو وغیرہ دُور ہو جائیں گے ۔ یہ بہت اچھی چیز ہے ، اس کو بحفاظت اپنے پاس رکھو ۔ حوالہ : ( شمس المعارف الکبریٰ ، حصّہ اول ، فصل ۱۴ )

نقش مُثمن (  8×8 )

 ” وَمَآ  اَنْفَقْتُـمْ مِّنْ نَّفَقَةٍ ا َوْ  نَذَرْتُـمْ  مِّنْ نَّذْرٍ فَاِنَّ اللّـٰهَ يَعْلَمُهٝ ۗ وَمَا  لِلظَّالِمِيْنَ  مِنْ اَنصَارٍ "

فوائد نقش : دفعیہ نظر بد کے لئے  سُورہ القلم کی آخری دو آیات مبارکہ کے بعد سُورہ البقرہ کی مندرج بالا آیت کو سب سے موثر کہا جاتا ہے ۔ آپ حضرات کے علم میں ہو گا  کہ راقم الحروف نے دفعیہ نظر بد پر ایک مضمون بھی تحریر کیا ھے ۔ جس میں اسی آیت کا عمل قلمبند کیا ہے ۔ اس نقش کو آپ پہننے ، پینے ، باندھنے ، نہانے اور فریم کروا کر لٹکانے کے لئے استعمال کر سکتے ہیں ۔

                نقش ” قَالَ مُوْسٰى مَا جِئْتُـمْ بِهِ السِّحْرُ اِنَّ اللّـٰهَ سَيُبْطِلُـهٝ اِنَّ اللّـٰهَ لَا يُصْلِحُ عَمَلَ الْمُفْسِدِيْنَ ”  مُثمن ( 8×8 )

 ” قَالَ مُوْسٰى مَا جِئْتُـمْ بِهِ السِّحْرُ اِنَّ اللّـٰهَ سَيُبْطِلُـهٝ اِنَّ اللّـٰهَ لَا يُصْلِحُ عَمَلَ الْمُفْسِدِيْنَ " 

بسم اللہ الرحمٰن الرحیم

قَالَ	مُوْسٰى	مَا	جِئْتُمْ	بِهِ	السِّحْرُ	اِنَّ	اللہ
مُوْسٰى	مَا	جِئْتُمْ	بِهِ	السِّحْرُ	اِنَّ	اللہ	سَيُبْطِلہ
مَا	جِئْتُمْ	بِهِ	السِّحْرُ	اِنَّ	اللہ	سَيُبْطِلہ	اِنَّ
جِئْتُمْ	بِهِ	السِّحْرُ	اِنَّ	اللہ	سَيُبْطِلہ	اِنَّ	اللہ
بِهِ	السِّحْرُ	اِنَّ	اللہ	سَيُبْطِلہ	اِنَّ	اللہ	لَا
السِّحْرُ	اِنَّ	اللہ	سَيُبْطِلہ	اِنَّ	اللہ	لَا	يُصْلِحُ
اِنَّ	اللہ	سَيُبْطِلہ	اِنَّ	اللہ	لَا	يُصْلِحُ	عَمَلَ
اللہ	سَيُبْطِلہ	اِنَّ	اللہ	لَا	يُصْلِحُ	عَمَلَ	الْمُفْسِدِيْنَ

فوائد نقش : آیات السحر قرآن مجید میں  کئ مقامات پر ہیں ۔ جو ابطال السحر کے لئے تیر بھدف ہیں ، لیکن علمائے فن و عاملین کاملین نے سُورہ یونس کی مندرج بالا آیت کو سب سے ذیادہ موثر اور سریع الاثر کہا ہے ۔ اس آیت کے کئ نقوش میری نظروں سے گزرے ہیں ۔ لیکن کوئ ایسا نقش جو دل کو لگتا ہو ، دیکھنے کا اتفاق نہیں ہُوا ( اپنی قِلّت اطلاع کی وجہ سے ) ۔ آپ کی خدمت میں اس آیت مبارکہ کا ایک بھترین و عمدہ نقش پیش کیا جا رہا ہے جو علم النقوش کے اُصول و قواعد کے مُوازین پر مُنضبط کیا گیا ہے ۔ جسے آپ پہننے ، پینے ، باندھنے ، نہانے اور فریم کروا کر لٹکانے کے لئے استعمال کر سکتے ہیں.

نقش ”  سُورہ النّصر ” مُثمن ( ۸ * ۸ )

بسم اللہ الرحمٰن الرحیم     

اِذَا جَآءَ	نَصْرُ اللّٰہ	والْفَتْحُ	وَرَاَيْتَ	النَّاسَ	يَدْخُلُوْنَ	فِىْ  دِيْنِ	اللّٰهِ
نَصْرُ اللّٰہ	والْفَتْحُ	وَرَاَيْتَ	النَّاسَ	يَدْخُلُوْنَ	فِىْ  دِيْنِ	اللّٰهِ	اَفْوَاجًا
والْفَتْحُ	وَرَاَيْتَ	النَّاسَ	يَدْخُلُوْنَ	فِىْ  دِيْنِ	اللّٰهِ	اَفْوَاجًا	فَسَبِّحْ
وَرَاَيْتَ	النَّاسَ	يَدْخُلُوْنَ	فِىْ  دِيْنِ	اللّٰهِ	اَفْوَاجًا	فَسَبِّحْ	بِحَمدِ
النَّاسَ	يَدْخُلُوْنَ	فِىْ  دِيْنِ	اللّٰهِ	اَفْوَاجًا	فَسَبِّحْ	بِحَمدِ	رَبِّكَ
يَدْخُلُوْنَ	فِىْ  دِيْنِ	اللّٰهِ	اَفْوَاجًا	فَسَبِّحْ	بِحَمدِ	رَبِّكَ	وَاسْتَغْفِرْهُ
فِىْ  دِيْنِ	اللّٰهِ	اَفْوَاجًا	فَسَبِّحْ	بِحَمدِ	رَبِّكَ	وَاسْتَغْفِرْهُ	اِنَّه  كَانَ
اللّٰهِ	اَفْوَاجًا	فَسَبِّحْ	بِحَمدِ	رَبِّكَ	وَاسْتَغْفِرْهُ	اِنَّه  كَانَ	تَوَّابًا

فوائد نقش : جب کوئ دشمن درپے آزار ہو سُورہ نصر کو ایک ہزار ایک ۱۰۰۱ بار پڑھے اور نقش اذا جاء کو زرد

 کپڑے پر ہفتہ کے دن ساعت عطارد میں لکھے اور ٹوپی میں رکھے اپنے دشمنوں پر غالب رہے ۔

حوالہ : ( شمع شبستان رضا ۔ حصّہ سوم )

نقش ” سُورہ اخلاص ” مُثمن ( 8×8 ) 

تعویذ عدد 8 ( نقش مثمن ) سورہ اخلاص شریف 

   بسم اللہ الرحمٰن الرحیم     

قُلْ	هُوَ	اللّٰہ	اَحَدٌ	اللّٰہ	الصَّمَدُ	لَمْ	يَلِدْ
هُوَ	اللّٰہ	اَحَدٌ	اللّٰہ	الصَّمَدُ	لَمْ	يَلِدْ	وَلَمْ
اللّٰہ	اَحَدٌ	اللّٰہ	الصَّمَدُ	لَمْ	يَلِدْ	وَلَمْ	يُوْلَدْ
اَحَدٌ	اللّٰہ	الصَّمَدُ	لَمْ	يَلِدْ	وَلَمْ	يُوْلَدْ	وَلَمْ
اللّٰہ	الصَّمَدُ	لَمْ	يَلِدْ	وَلَمْ	يُوْلَدْ	وَلَمْ	يَكُنْ
الصَّمَدُ	لَمْ	يَلِدْ	وَلَمْ	يُوْلَدْ	وَلَمْ	يَكُنْ	لَّه
لَمْ	يَلِدْ	وَلَمْ	يُوْلَدْ	وَلَمْ	يَكُنْ	لَّه	كُفُوًا
يَلِدْ	وَلَمْ	يُوْلَدْ	وَلَمْ	يَكُنْ	لَّه	يَلِدْ	اَحَدٌ

 

فوائد نقش : منقول ہے حضرت علی کَرَّمُ اللہ وجہہ سے کہ سُورہ اخلاص  اسی ترتیب سے لوح محفوظ میں لکھی

ہُوئ ہے ۔ اس کے پچیس ۲۵ فوائد ہیں ۔

۱/ یہ لکھ کر دریا کے پانی سے دھو کر درد شکم والے کو پلائے انشا ء اللہ شفا پائے ۔ (۲) یہ لکھ کر مسجد کے بیچ میں دفن کرے غائب حاضر ہو ۔ (۳) بخار والے کے باندھنے سے شفا ہو ۔(۴) یہ لکھ کر دیوانہ یا پاگل کے گلے میں باندھے صحت ہو ۔ (۵) کسی کو دیو یا جن کا خلل ہو یہ نقش باندھنے سے نجات ہو ۔ (۶) لکھ کر کلام پاک میں رکھے کو جو آرزو ہو خواب میں معلوم ہو ۔ (۷) یہ لکھ کر دریا میں ڈالے جو مراد ہو مولیٰ تعالیٰ پوری فرمائے ۔ (۸) درد سر کے واسطے سر میں باندھے درد دفع ہو ۔ (۹) شرف آفتاب یا شرف مشتری یا شرف قمر میں لکھ کر کسی میٹھی چیز پر پھر مطلوب کو کھلا دے یک لحظہ جدا ہونا نہ چاہئے ۔ ( ۱۰) لکھ کر پرانی قبر میں دفن کرے دشمن مقہور ہوں ۔ (۱۱) اگر لکھ کر گونگے بچے کو کھلائے بولنے لگے ۔ )۱۲) ہر قسم کا درد والا اسے دیکھتا رہے دیکھتے دیکھتے درد کافور ہو ۔ (۱۳)  لکھ کر اپنے پاس رکھے رزق میں فراخی ہو ۔ (۱۴) اگر لکھ کر بازو پر باندھے اور جنگ میں جائے با فتح و نصرت لوٹ آئے ۔ (۱۵) جو لکھے اس کے دشمن دوست ہوں ۔ (۱۶) اگر مردے کے کفن پر لکھے عذاب قبر سے نجات پائے ۔ (۱۷) جس کے پاس یہ نقش ہو خلق کی نگاہوں میں عزیز ہو ۔ (۱۸) اگر شوہر لکھ کر عورت کو کھلائے اس کا دل کبھی کسی مرد کی طرف مائل نہ ہو ۔ (۱۹) جو اپنے پاس رکھے دنیا سے با ایمان جائے ۔ (۲۰) اگر مرد یہ نقش لکھ کر عورت کے سینے پر رکھے جو اس کے دل میں ہو اپنے مرد سے کہہ دے ۔  ( ۲۱) اگر لکھ کر دریا کے پانی سے دھو کر پیئے ابلیس کے مکر و فریب و شر سے نجات ہو ۔ (۲۲) اگر ہرن کی کھال پر لکھ کر پاس رکھے ہر گز معصیت میں گرفتار نہ ہو ۔ (۲۳) جو اپنے پاس رکھے تمام عالم علوی و سفلی مطیع و فرمابردار ہو ۔ (۲۴) یہ کہ خلل مسان کے لئے بروز جمعہ لکھے اور بچے کے گلے میں ڈالے ، انشاء اللہ دفع ہو ۔

حوالہ : (شمع شبستان رضا ۔ حصّہ اول )

نقش اسماء الشریفہ ” ح  ” مُثمن  ( 8×8 )

  برائے وجاہت ، ہیبت و استغناء

بسم اللہ الرحمٰن الرحیم

حی	حمید	حفیظ	حکم	حکیم	حسیب	حلیم	حق
حمید	حفیظ	حکم	حق	حی	حکیم	حسیب	حلیم
حفیظ	حکم	حق	حلیم	حمید	حی	حکیم	حسیب
حکیم	حی	حمید	حسیب	حفیظ	حلیم	حق	حکم
حسیب	حکیم	حی	حمید	حلیم	حق	حکم	حفیظ
حلیم	حسیب	حکیم	حی	حق	حکم	حفیظ	حمید
حق	حلیم	حسیب	حکیم	حکم	حفیظ	حمید	حی
حکم	حق	حلیم	حفیظ	حسیب	حمید	حی	حکیم

 

فوائد نقش :  اللہ کے وہ اسماء جن کے شروع میں حاء آتی ہے ، امان ، عزت ، وجاہت ، ہیبت ، غلبے اور استغناء کے لئے خصوصی تاثیر رکھتے ہیں ۔ اگر انہیں ساعت شمس میں لکھا جائے اور تعویذ پر عطر لگا کر اپنے پاس رکھے اور اللہ کے اسماء ( یعنی نقش میں جتنے اسماء آئے ہیں ) کو نداء ” یا ” کے ساتھ پڑھے تو تمام مقاصد بغیر کوشش اور محنت کے حاصل ہوں گے ۔

حوالہ : ( السر المکتوم مما اخفاہ المتقدمون از علامہ عبد العزیز پرہاروی رحمہ اللہ تعالی )

 

 

نقش مثمن ( 8×8 )  حروف نورانی

حروف مقطعات کا نقش

بسم اللہ الرحمٰن الرحیم

حی . منیع	مطیع . محیط	معین . حاکم	الٰہ . مالک الملک	محیط . سلطان	مقسط	اللہ . مصلح	اللہ . ناطق
الٰہ  . مصلح	مالک الملک	مھین . حاکم	قاصم	قاسم	محی . مسھل	مانع . ملک	قائم. مالک
محیط . مالا مکان	امر	مسھل . محیط	ممحصی .الٰھی	قائم . حاکم	علیم . حکیم	الٰہ .سامع	طاھر
حکم . لا الہ الا اللہ	الٰھی . مطلق	حی . منعم	سالم . محال	اللہ . منیع	مھیمن . ملیک	ملک . امین	مکین . محال
اعلی . عالی	مانع . حکم	مطعم  . الھی	مھیمن . محیی	مالک . کل مکان	مسھل . حق	منعم	اعلی .کائن
سامع . محیط	محیی .مطلق	سالم . محیی	اللہ . سلام	ملک . مھیمن	حی . مقسط	اللہ . سلطان	مقیم . حی
حلیم . سلام	صانع	ملک الناس	اللہ . محسن	مقیم	علی . حلیم	محی . مطلق	اللہ . سمیع
مھیمن . محی	اللہ . معطی	راحم	مقسم	ملھم . کامل	مانع . ملھم	ملک . سلام	احکم الحاکمین

 

فوائد نقش نورانی :  اگر کوئ شخص اس وفق کو قمر و مشتری کی نظر تثلیث میں لکھ کر اسے اپنے پاس رکھے ، تو اس کاروبار میں بہت فائدہ ہو ۔

٭ اگر کسی شخص کو ڈر بہت ہوتا ہو ، یا اوہام کا شکار ہو ، تو اس وفق کو عرق گلاب و زعفران سے لکھ کر پینے سے اور پاس رکھنے سے غیبی تقویت حاصل ہو گی ، اور اس کے اوہام ختم ہو جائیں گے ۔

٭ اگر کوئ بچہ ڈرتا ہو تو اس کے لئے بھی یہ صورت شافی ہو گی ۔

اگر کوئ شخص اپنے عہدے سے معزول ہو گیا ہو ، تو اس وفق کو ساعت سعید میں لکھ کر اپنے پاس رکھنے سے اور ان اسماء کا ورد رکھنے سے وہ بہت جلد اپنے عہدے پر بحال ہو گا ۔

٭ اگر کسی کی ترقی رکی ہوئ ہو اور کوئ اس کی راہ میں رکاوٹ بنا ہوا ہو تو اس وفق کو پاس رکھنے سے اور ان اسماء کا ورد کرنے سے اس کی ترقی کی راہیں کھل جائیں گی ، اور وہ اپنے جائز مقام کو پالے گا ۔

٭ جو شخص مقدموں میں الجھ کر اپنی دولت برباد کر چکا ہو ، اور وہ مقدمے اس پر جائز نہ ہوں ، تو ایسے شخص کے لئے ، مقدمے کی سماعت کے دوران یہ وفق اپنے پاس رکھنے سے ، اور ان اسماء کا ورد کرنے سے ان مقدمات سے نجات ملے گی ۔

٭ اگر کوئ شخص قسمت آزمائ کے چکر میں الجھ کر اپنی پونجی لٹا رہا ہو ، یا جواری ہو ، تو یہ وفق اس کو پلانے سے اپنی ناعاقبت اندیشی کے فیصلوں سے باز آئے گا ۔

٭ اگر کوئ شخص منشیات کا عادی ہو ، تو اس وفق کو عرق گلاب اور چاندی سے لکھ کر اس کو پلایا جائے ، اور یہ وفق کسی بھی صورت اس کو پہننے پر آمادہ کیا جائے ، تو وہ اپنی حرکتوں سے باز آئے گا ۔

اگر کسی شخص میں زنا شُوئ کی عادات قبیحہ ہُوں ، تو اس کو علم میں لائے بغیر اسے یہ وفق مسلسل پلایا جائے تو ، اسکا دل زنا سے نفرت کرنے لگے گا ، اور یہ اس شخص کے لئے بھی مفید ہے ، جو زنا سے تائب ہونا چاہتا ہو ، تو ایک وفق اسے پہننے کے لئے دیا جائے اور سات اوفاق اس کو پلانے کے لئے دیئے جائیں تو وہ اس لعنت سے چھٹکارا پائے گا ۔

٭ اگر کسی شخص کو امراض ریاح لاحق ہوں تو وہ اس وفق کو عرقِ گلاب اور زعفران سے لکھ کر اسے پلایا جائے تو اسے نجات ملے گی ۔

٭ اگر کسی عورت کو لیکوریا کی شکایت ہو ، اور یہ تکلیف اس کی جان ہی نہیں چھوڑتی ہو تو اس وفق کو لکھ کر اسے پہنایا جائے ، اسے ایام حیض سے فراغت کے بعد دو عشروں تک پلایا جائے ، اور ساتھ ہی میں اس اسماء کو ( جو اس وفق میں مرقوم ہیں ) سپاری کے کسی بھی مرکب پر دم کرکے انہیں دو عشروں میں کھانے کے لئے دیا جائے تو اس کی جان چھوٹ جائے گی ۔

٭ اگر کسی شخص کی عبادت میں دل نہ لگتی ہو ، یا وہ شخص جو مذہب کے نام سے چڑ کھاتا ہے ، اسے اس کے علم میں لائے بغیر اس وفق کو لکھ کر کچھ عرصے تک پلایا جائے تو وہ راہِ راست پر آجائے گا ، اور سرکشی ختم کرے گا ، اور عبادت کی طرف مائل ہو گا ۔

حوالہ : ( مُکاشفاتِ نُور از غلام الرسول میمن عائلی نقشبندی رحمہ اللہ )

 

 

 

نقش ” باسط ودود ”  مثمن ( 8×8 )  

بسم اللہ الرحمٰن الرحیم

ب	ا	س	ط	و	د	و	د
ا	س	ط	و	د	و	د	ا
س	ط	و	د	و	د	ا	ب
ط	و	د	و	د	ا	ب	س
و	د	و	د	ا	ب	س	ط
د	و	د	ا	ب	س	ط	و
و	د	ا	ب	س	ط	و	د
د	ا	ب	س	ط	و	د	و

 

فوائد نقش : اگر کوئ معاشی بدحالی کا شکار ہو ، حالات پریشان کن ہوں تو اسم باری تعالی باسط ودود کا ایک نقش مندرجہ بالا طریقہ سے تحریر کرے اور اس کے چاروں طرف یہ شعر لکھے اور تعویذ بنا کر اپنے پاس رکھے ۔

اور روزانہ اسم باری تعالی ( باسط ودود ) کو 92 مرتبہ پڑھے اور شعر کو اکیس مرتبہ اس عمل کو ایک سال تک جاری رکھے تو اللہ تعالٰی کے حکم سے اس سال گزرنے سے پہلے اُس کے تمام امور آسان ہو جائیں گے ، اُس کا رزق کشادہ ہو جائے گا اللہ تعالٰی اُسے نیکی کی توفیق دے گا اُس کے حالات سنور جائیں گے اور اللہ پاک اُسے غنی کر دے گا

۔ شعر یہ ہے ۔        وَصَلَّیْتُ فِیْ   الثَّانِیْ عَلٰی خَیْرِ خَلْقِہ      –         مُحَمَّدٗ مَنْ زَاحَ الْضَّلَالَۃِ وَ الْغَلَّتْ

حوالہ : ( کلیدِ رمُوزِ مَخْفِیْ از حکیم غلام سرور شباب قادری ، صٖفحہ  116 )

نقش ” اللہ العلی العظیم ”  مثمن ( ۸ * ۸ )  

بسم اللہ الرحمٰن الرحیم

ا	ل	ل	ہ	ا	ل	ع	ل
ل	ل	ہ	ا	ل	ع	ل	ی
ل	ہ	ا	ل	ع	ل	ی	ا
ہ	ا	ل	ع	ل	ی	ا	ل
ا	ل	ع	ل	ی	ا	ل	ع
ل	ع	ل	ی	ا	ل	ع	ظ
ع	ل	ی	ا	ل	ع	ظ	ی
ل	ی	ا	ل	ع	ظ	ی	م

 

فوائد نقش : یہ نقش علو مراتب ، ترقی عہدہ ، بیرون ملک سفر ، بخت کشائ وغیرہ  کے لئے سُود مند ہے ۔ شرف شمس ، شرف قمر یا کسی سعید دن میں ساعت سعید میں لکھیں ۔ علو مراتب ، ترقی عہدہ وغیرہ کے لئے لکھ کر سائل گلے یا دائیں بازو پر باندھے ۔ بخت کشائ کے لئے لڑکی اپنے سر کے بالوں میں باندھے ، بھتر ہے کہ تعویذ بالوں میں چھپا رہے ۔ تعویذ کیساتھ  حاملِ نقش  اسما ء الہی ” یا اَللہُ یا عَلِیُّ یا عَظِیْمُ ”  ۱۱۹۶ روزانہ ورد کرے یا ۱۲۵ کی تعداد میں صبح و شام ورد میں رکھے ۔

نقش ” یَا عِلِیْمُ ۔ یَا عَلِیُّ  ” مثمن ( 8×8 )

۷۸۶

فوائد نقش : جب خشک سالی ہو اور قمر برج آبی میں ہو ( طالع آبی ہو ) تو اس نقش کو لکھ کر کسی بلند مقام پر لیجا کر سفید کپڑے میں لٹکا دیں ۔ بارش ہو گی اور زراعت میں برکت ہو گی ۔

٭ سفر میں تازہ لکھا ہوا نقش پاس رکھیں تو سفر کی تکان سے محفوظ رہے ۔

٭ چوپاؤں یا پرندوں کو درد شکم لاحق ہو یا کوئ اور عارضہ ہو تو اس نقش کو گلاب و زعفران سے لکھ کر چارے یا دانے میں ملادیں یا پانی میں ملا کر پلادیں انشا ء اللہ جلد فائدہ ہو گا ۔

حوالہ : ( رُموزِ مقطعات اور عملیات کے بنیادی اُصول ، صٖفحہ ۲۱۰ )

نوٹ : نقش نمبر ، ۵ ، ۶ اور ۱۲ راقم الحروف کے زاتی استخراج کردہ و وضع کردہ ہیں ۔