اپنے نام کا عدد جاننے کے لئے یہاں کلک کریں
عدد 4 کا مختصر تعارف
عدد 4 ہمیشہ تین اعداد کا مفرد ہو گا جیسے 13 ، 22، اور 31۔ وہ لوگ جو کسی بھی ماہ کی اس تاریخ کو پیدا ہوئے ہیں وہ عدد 4 کے زیر اثر ہوں گے۔
آپ کی خوبیاں و خامیاں
آپ زندگی میں نظم و ضبط پر عمل کرنے والے ہیں۔ آپ سنجیدہ سوچ کے مالک ہیں۔ آپ کے مزاج میں امن پسندی پائی جاتی ہے۔ آپ کاروباری ذہن رکھنے والے ہیں۔ آپ کو فلسفہ میں بہت دلچسپی ہوتی ہے۔ آپ مہمان نواز ہیں۔۔ کاروباری سوچ رکھنے کی وجہ آپ اکثر اوقات اپنے دوستوں اور رشتہ داروں میں وہ عزت و مقام حاصل نہیں کر پاتے جس کی آپ کو امید ہوتی ہے۔ آپ بسا اوقات اپنے کاروبار کو اپنے دوستوں پر ترجیچ دیتے ہیں جس کے سبب آپ اپنے دوست کھو دیتے ہیں۔ آپ اپنے خیالات کے آزادانہ اظہار کرنا پسند کرتے ہیں اور ممکن ہے کہ آپ کے خیالات سے آپ کے دوست اتفاق نہ کرتے ہوں۔ آپ اعلی اور دانا شخصیت کے حامل ہیں۔ آپ میں ایجاد و تخلیق کی تمام صلاحیتیں موجود ہیں۔ آپ کسی حد تک بے صبر ہیں۔ آپ خوش فہمی کی دنیا میں رہنا پسند کرتے ہیں۔ آپ دوسروں کو مخلصانہ مشورہ دیتے ہیں۔ آپ میں شہرت اور حصول دولت و جائیداد کی شدید خواہش پائی جاتی ہے۔ آپ حساس طبیعت کے مالک ہیں۔ آپ دوسروں کو تکلیف میں نہیں دیکھ سکتے۔
شخصیت
آپ ایک تحمل مزاج اور اچھی شخصیت کے مالک ہیں۔ آپ میں قدرت نے وہ تمام صلاحتیں پیدا کر رکھی ہیں جن کی بدولت آپ کسی بھی ادارہ کے سربراہ یا ایک نہایت ہی اہم رکن بن سکتے ہیں۔ آپ کی شخصیت کا ایک اہم جز کسی اصول کو اپنا لینا ہے، اگر آپ نے زندگی میں کوئی خاص اصول اپنا لیا تو پھر آپ اس کی وجہ سے بڑی سے بڑی مشکل بھی سہہ جانے کا حوصلہ رکھتے ہیں۔ آپ کو معاشرہ میں بہتر زندگی گذارنے کے لیے دولت کی اہمیت کا احساس تو ہے لیکن آپ جمع کرنے کی خرچ کرنا پسند کرتے ہیں۔ آپ ان لوگوں میں ہیں جن پر قسمت مہربان رہتی ہے لیکن اس مہربانی کے حصول کے لیے آپ کو کچھ جدوجہد کرنا پڑتی ہے۔ آپ کی زندگی میں شاندار کامیابیاں نہ سمیٹنے کی ایک وجہ آپ کی ضد اور سست روی ہے۔ آپ کی رائے میں وزن ہوتا ہے اور اگر آپ سیاسی میدان میں ہوں تو اپوزیشن کا کردار بہت خوبی سے ادا کرتے ہیں جس سے حکمران طبقہ کو کافی پریشانی کا سامنا رہتا ہے۔ آپ کی ذات سے دوسرے فائدہ اٹھاتے ہیں جبکہ آپ ان سے کوئی خاطر خواہ فائدہ نہیں لے پاتے۔ آپ جہاں اپنی پیشہ وارانہ صلاحیتوں کو بہت خوبی سے ادا کرتے ہیں وہیں پر آپ میں یہ صلاحیت نہیں ہوتی کہ آپ دوسروں کسی قسم کی روک لگا سکیں۔
دلی معاملات اور شادی
آپ محبت کے معاملات بہت احتیاط پسند واقع ہوئے ہیں۔ آپ پہلی نظر میں محبت کے قائل نہیں ہیں۔ خدانحواستہ اگر آپ کو محبت کے معاملہ میں ناکامی کا سامنا ہو جائے تو پھر آپ ذہن اور قلب کے امراض میں مبتلا ہو سکتے ہیں۔ شادی کے لیے بھی آپ جلد بازی سے کام نہیں لیتے۔ اگر کسی جگہ سے شادی کا پیغام آئے تو کچھ عرصہ خوب سوچ بچار سے کام لے کر فیصلہ کرتے ہیں۔ آپ ایک ایسا شریک حیات چاہتے ہیں جو زندگی کے مشکل وقت میں بھی آپ کے ہنستا مسکراتا رہے۔
مال و دولت
آپ کو بہتر زندگی بسر کرنے کے لیے دولت کی اہمیت کا بخوبی احساس ہوتا ہے۔ آپ مشکل حالات کے لیے دولت جمع کرنے کے طریقوں سے پوری طرح واقف ہوتے ہیں۔ آپ کو ایسی اسکیموں سرمایہ کاری کرنا پسند نہیں جس میں کوئی شرط جڑی ہو۔ آپ گھر کی پرانی کئی اشیاء کو بیچ کر نئی اشیاء کی خرید پسند کرتے ہیں۔
صحت و بیماری
آپ کی صحت عام طور پر بہتر رہتی ہے۔ آپ کی طبعیت جب ہیجان کا شکار ہو جاتی تو یہ آپ کو بلڈ پریشر، ذہنی بے سکونی اور دل کے امراض میں مبتلا کر سکتی ہے۔ آپ کو اپنی صحت بہتر رکھنے کے لیے کوئی نہ کوئی مشغلہ اپنانا ہو گا جو آپ کے ہیجان کو قابو میں رکھے، اس مقصد کے لیے آرٹس کا شعبہ آپ کے لیے بہت معاون ثابت ہو گا۔
عدد 4 کی مشہور شخصیات
عدد 4 کی حامل مشہور شخصیات میں دنیا کےامیر ترین اور مائیکرو سافٹ کے مالک بل گیٹس، نوبل انعام یافتہ میری کیوری، امریکی صدر جارج واشنگٹن، برطانوی وزیراعظم مارگریٹ تھیچر، امریکی اداکار آرنلڈ شوارزنیگر، آسٹریلوی اداکارہ نیکول کیڈمین، برطانوی گلوکار پاول میکارٹنی اور آپرا فنفری شامل ہیں۔
آپ کے عدد سے مطابقت رکھنے والے اسمائے الہیہ
اگر آپ کا عدد 4 مرکب ہے عدد 13 کا ۔ تو پھر آپ ”یا شھید” کا ورد کریں۔
اگر آپ کا عدد 4 مرکب عدد 22 کا ہے تو پھر آپ ”یا بر” کا ورد کریں
اگر آپ کا عدد 4 مرکب ہے عدد 31 کا ۔ تو پھر آپ ”یا محصیی” کا ورد اپنے معمول میں رکھیں۔
آپ کا نگینہ
ہلکا نیلے رنگ کا سیفائر، اور بلو اکوامیرین
