علم نقوش ۔ عملیات و تعویذات

حضرت سید عبداللہ شاہ غازی(رح)۔

Photo of Roohani Aloom Roohani Aloom Send an email اکتوبر 8, 2012
0 2 minutes read

حضرت سید عبداللہ شاہ غازی(رح)جن کا مزار پُر انوار کلفٹن کراچی میں واقع ہے زیارت گاہ ہر خاص و عام ہے ۔ ان کے بارے میں طرح طرح کی روایتیں مشہور ہیں اور یہ کوئی تعجب کی بات نہیں ۔ ابتداء زمانہ کے ساتھ ساتھ طرح طرح کی روایتیں مشہور ہوتی رہتی ہیں اس لئے بالاختصار وہ ممکنہ صحیح تاریخی حالات پیش کئے جاتے ہیں جو بمشکل تمام مل سکے ہیں چاہیے تو یہ تھا کہ زیادہ تفصیل پیش کی جاتی مگر امتداد زمانہ کے تہہ بہ تہہ پردوں نے ہماری آنکھوں سے بہت کچھ چھپا رکھا ہے ۔
حضرت کا اسم مبارک مع نسب نامہ یہ ہے "ابو محمد عبداللہ بن محمد بن عبداللہ بن حسن المتمنی بن حسن السبط بن علی بن ابی طالب علیہ السلام "۔ ۱۳۸ھجری میں جب ان کے والد بزرگوار محمد بن عبداللہ نے عباسی خلفا کے خلاف خروج کا فیصلہ کیا تو انہوں نے اپنے بھائی ابراہیم بن عبداللہ کو بصرہ بھیجا اور خود مدینہ منورہ میں رہ کر خلافت کی دعوت مختلف قبائل کو معتمد حلیہ رفقاء کے ذریعہ روانہ کی۔ اپنے فرزند حضرت عبداللہ بن محمد کو جو اپنےبوجھل پپوٹوں کی وجہ سے الاشتر(الٹے پلک والا)کہلاتے ہیں خفیہ طور پر سندھ جانے کی ہدایت کی ۔
عبداللہ ایک دیندار بہادر صاحب الرائے جوان تھے ۔ عمر چالیس سال کے قریب تھی ۔ انہوں نے کوفہ سے اعلیٰ قسم کے کچھ گھوڑے خریدے اور دس بارہ قابل اعتماد رفقاء کے ساتھ بذریعہ سفر کرکے سندھ پہنچے اور یہ مشہور کر دیا کہ وہ گھوڑوں کے تاجر ہیں ۔ اس زمانہ میں عباسیانِ بغداد کی طرف عمر بن حصص سندھ کا والی تھا اور درپردہ سادات علویہ کا طرفدار تھا ۔ دو چار مہینوں کے بعد یہ راز عبداللہ کے ایک ساتھی نے عمر بن حصص کو بتایا کہ گھوڑوں کی تجارت تو یہاں آنے اور آپ تک پہنچنے کا ایک ذریعہ تھا درحقیقت مقصد تو دعوت ہے ۔ عمر بن حصص نے اس دعوت کو قبول کرلیا اور آہستہ آہستہ زمین ہموار کرنے لگا یہاں تک کہ دو تین سال کی مساعی سے کامیابی کے آثار ظاہر ہوئے اور ایک تاریخی جمعرات کا دن اسی کام کے لئے مقرر کر دیا گیا کہ اس دن حضرت عبداللہ ایک خطبہ دیں اور محمد بن عبداللہ کے لئے بیعت خلافت عام کی جائے ۔
ابھی وہ تاریخ نہیں آئی تھی کہ بغداد سے اطلاع آئی ، محمد بن عبداللہ مدینہ میں اور ابراہیم بن عبداللہ نے بصرہ میں خلافت عباسی کے خلاف خروج کیا اور مختلف خونی معرکوں کے بعد دونوں قتل کردئیے گئے بہت سے لوگ طرفداران سادات میدان میں کام آگئے ۔
اس اطلاع کے بعد عمر بن حصص نے عبداللہ بن محمد کو مع چار سو رفقاء کے ایک ساحلی ریات میں بھیج دیا ۔ راجہ نے ان کی تعظیم وتکریم کی اور آرام سے اپنا مہمان کیا ۔ یہ وہاں رہ کر تبلیغ دین اسلامی اور اپنی دعوت کا کام کرتے رہے ۔

Tags
Photo of Roohani Aloom Roohani Aloom Send an email اکتوبر 8, 2012
0 2 minutes read
Photo of Roohani Aloom

Roohani Aloom

روحانی علوم ڈاٹ کام ایک ادارہ ہے جس نے دنیا میں پہلی بار سنہ 2004ء سے انٹرنیٹ پر اردو زبان میں علوم روحانی کی ترویج کا سلسلہ جاری کیا اور اس جدید دور میں اسلاف کے علوم کو جدید طرز پر پیش کرنے کی سعادت حاصل کی ۔

Related Articles

غضب کا عملِ تسخیرِ قلب

جولائی 5, 2021
تحویل آفتاب کا وقت معلوم کرنے کا طریقہ      جفار و عاملین حضرات سال بھر اس وقت کا انتظار کرتے ہیں اور اس وقت خصوصی نقوش و طلسمات مختلف مقاصد کے حصول کے لئے تیار کرتے ہیں اس سے قبل کہ اس وقت کی مناسبت سے اعمال تحریر کروں ،واضح کردوں کہ اس مخصوص لمحہ کو پہچاننے یا پانے کے لئے بھی مختلف قواعد مرتب کئے گئے ہیں دراصل یہ وہ وقت ہے کہ جب سمندروں کی روانی بلکہ تمام کائنات میں ہر متحرک شے ساکن ہوجاتی ہے ۔ گزشتہ ادوار میں لمبے چوڑے حساب کرنے کے بعد ان اوقات کو استخراج کیا جاتا تھا جدید ٹیکنالوجی نے جہاں زندگی کے ہر شعبہ میں آسانی پیدا کی ہے وہاں نجوم کے پیچیدہ حساب کو بھی بہت ہی سہل  کردیا ہے لہٰذا یہ کہا جا سکتا ہے کہ اب سیکنڈوں تک کا حساب ممکن ہے ، لیکن اس اعتراف کے ساتھ کے سیارگان کی رفتار کا تعین انسان نے اپنی دانست و مشاہدے کے مطابق کیا اور بشری تقاضہ کے تحت غلطی کا بہرحال امکان موجود ہے۔ یہی سبب ہے کہ اکثر لوگ اس وقت کو پانے کے لئے مختلف طریق اپناتے ہیں ۔ بعض لوگ کسی پیالے میں دودھ یا پانی ڈال کر گلاب کا پھول اس میں رکھ کر چھوڑدیتے ہیں عین وقت نوروز پر پھول میں حرکت پیدا ہوجاتی ہے ۔ بعض افراد مٹکے میں باریک سوراخ کرکے اس سے نکلنے والی پانی کی باریک دھار کی جانب توجہ کرتے ہیں عین تحویل کے وقت وہ بہتی دھار رک جاتی ہے۔ نوروز کے اعمال      اس مرتبہ نوروز کے موقعہ پر ایک مخصوص نقش جو کہ کئی مرتبہ تجربہ کی میزان پر پورا اترا ہے پیش خدمت ہے ۔ استخراجات وغیرہ وقت مخصوص سے قبل کرکے رکھ لیں ۔ نوروز کے عین وقت پر لکھنا شروع کریں ۔ عمل اگر کاغذ پر تیار کر رہے ہوں تو عرق گلاب و زعفران سے کشید کردہ سیاہی سے سرکنڈے کے قلم سے تحریر کریں ۔ اگر لوح تیار کر رہے ہیں تو چاندی کی تختی پہلے سے تیار کروا کر رکھیں اور عین وقت پر کسی نوکدار چیز سے کندہ کرلیں ۔ عمل تنہائی میں روبقبلہ ہو کر تیار کریں ۔ عمل تحریر کرنے سے قبل و آخر میں 11 مرتبہ درود شریف پڑھ لیں اور نقش / لوح پر دم کریں ۔ طریقہ یہ ہے کہ اپنے نام مع والدہ کے نام کے اعداد ابجد شمسی سے حاصل کریں ان اعداد میں 11693 کا مزید اضافہ کریں اور نقش مثلث آتشی چال سے تحریر کریں ۔ اس نقش کے ارداگرد یہ اسماء مقدسہ تحریر کریں ۔ " یا اللہ ، یا غنی ، یا رزاق ، یا مالک ، یا وارث ، یا رحیم ، یا کریم ، یا عزیز ، یا رحمن ، یا صمد ، یا مغنی ، یا اللہ " خیال رہے کہ ہر چہار سمت میں یہ اسماء تحریر کئے جائیں گے ۔ نقش / لوح تیار ہونے کے بعد انہی اسماء کو 101 ( ایک سو ایک ) مرتبہ ورد کرکے لوح پر دم کردیں اور یہ مداومت روزانہ کم از کم اکیس یوم تک جاری رکھیں ۔ نقش / لوح ہمہ وقت سیدھے بازو پر یا گلے میں پہنے رکھیں ، چاہیں تو کوٹنگ کروا لیں ۔ البتہ نجاست کے عالم میں دور کر دیں اور بعد از طہارت دوبارہ زیب تن کرلیا کریں ۔ وہ تمام افراد جو آمدن میں کمی کے شاکی ہیں اس نقش / لوح کو تیار کریں ان شاء اللہ غیبی اسباب مہیا ہوں گے ۔ گزشتہ سالوں میں کئی نایاب اور بہترین اعمال قلمبند کئے جا چکے ہیں ذیل میں مختصراً تفصیلات کے ہمراہ لنکس پیش کر رہا ہوں۔ نوروز کی شرعی حیثیت و تاریخی واقعات درج ذیل لنک پر ملاحظہ کریں۔ نوروز کی اہمیت اور تاریخی واقعات اگر آپ شعبہ عملیات میں دلچسپی رکھتے ہیں اور مختلف آیات و اسماء الہی وغیرہ کی زکات ادا کرنے کے مشتاق ہیں تو نوروز کے دوران بآسانی یہ زکات ادا کی جا سکتی ہیں تفصیلات جاننے کے لئے درج ذیل لنک پر کلک کریں۔ نوروز کے اوقات میں زکات ادا کرنے کا طریقہ  گزشتہ دنوں نقش تجلی قرآن کے نام سے ایک تحریر پیش کی گئی تھی ، یہ نقش اگر نوروز کے اوقات میں تیار کیا جائے تو تاثیر سو گنا بڑھ جاتی ہے ۔ نقش تجلی قرآن  عاملین حضرات سورہ اخلاص کا نقش نوروز کے اس مبارک و مسعود وقت میں لکھ کر سال بھر اس سے مستفید ہو سکتے ہیں۔ سورہ اخلاص کی فضیلت و اعمال وغیرہ پر ایک جامع تحریر شائع کی گئی تھی درج ذیل لنک سے استفادہ کریں۔ سورہ اخلاص کی فضیلت خدانخواستہ آپ کو کسی کی دشمنی کا سامنا ہے تو نقش قطمیر سے مدد لی جا سکتی ہے تفصیلات درج ذیل لنک پر ملاحظہ کریں۔ نقش قطمیر مال دنیا کے حریص کا تو کوئی علاج نہیں ما سوائے موت کے ، البتہ درحقیقت غربت کے ہاتھوں پریشان ہیں تو درج ذیل لنک پر موجود طریقہ عمل کو استعمال کریں انشاء اللہ غیبی اسباب پیدا ہونگے ۔ غربت سے نجات جس طرح قمر و شمس کے گرہن کے اوقات میں حروف صوامت کی زکات ادا کی جاتی ہے بعینہ نوروز کے اوقاتِ سعید میں حروف تسخیر کی زکات ادا کرنے کا مفصل طریقہ ملاحظہ کریں۔ حروف تسخیر کی زکات اگر خاندان میں آپسی رنجش یا عداوت کا سامنا ہے تو تسخیر مطلوب کا عمل نوروز کے ان اوقات میں تیار کرکے روحانی مدد لی جا سکتی ہے طریقہ درج ذیل لنک پر کلک کرکے ملاحظہ کریں۔ تسخیر مطلوب نقش مثلث کی ایک خاص ترکیب ، جسے صحت کے لئے استعمال کیا جا سکتا ہے خواہ بچہ ہو یا جوان ، عورت ہو یا مرد ہر کوئی استعمال کر سکتا ہے اس کے علاوہ نظر بد ، سحر جادو آسیب وغیرہ میں بھی اس کا استعمال مفید اثرات کا حامل مانا گیا ہے نوروز اور صحت ناگہانی حادثات و خطرات وغیرہ سے محفوظ رہنے کے لئےنوروز سے ایک دن قبل اس عمل کی زکات ادا کی جاتی ہے ۔ تحفظ کا عظیم عمل آخر میں ایک عظیم لوح فتحنامہ کا طریقہ جو جملہ مقاصد میں استعمال کی جاتی ہے ۔ علم جفر آثار کا ایک عظیم عمل۔ لوح فتح نامہ

نوروزعالم افروز 2020۔

مارچ 14, 2020
ice-kay-nashay-ka-roohani-ilaj

نوجوانوں میں مقبول ۔ آئس کے نشے کے عادی افراد کا روحانی علاج

دسمبر 15, 2019
tilsim-asma-e-shamkhusiya-tashreeh-tauzeeh

اسمائے شمخوثیہ ( تمخیثا) ۔ تشریح و توضیح ۔

دسمبر 10, 2019
آپ کی رائے

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

Back to top button
Close

ایڈ بلاک کا استعمال پایا گی

محترم قارئین، ہماری یہ ویب سائٹ ایک خدمت کے جذبے کے تحت آپ کے لیے مخفی و روحانی علوم کے مضامین بالکل مفت فراہم کر رہی ہے۔ ہمارا مقصد اس علم کو زیادہ سے زیادہ لوگوں تک پہنچانا ہے، اور اس کے بدلے ہم آپ سے کسی قسم کی مالی مدد نہیں لیتے۔ البتہ، ہماری اس کوشش کو جاری رکھنے کے لیے اشتہارات کا سہارا لینا ضروری ہے، تاکہ ہم اس پلیٹ فارم کو برقرار رکھ سکیں اور آپ تک بہترین مواد پہنچاتے رہیں۔ آپ سے مؤدبانہ درخواست ہے کہ ہماری ویب سائٹ پر ایڈ بلاکر کو عارضی طور پر غیر فعال کر دیں۔ یہ ایک چھوٹا سا تعاون ہوگا، لیکن ہمارے لیے بہت بڑی مدد ثابت ہوگا۔ جزاک اللہ خیراً