میں اکثر و بیشتر علم الجفر آثار کے تحت مخلتف الواح ونقوش کے بارے میں لکھتا رہتا ہوں آج کی اس بزم میں سورہ مبارکہ الفاتحہ سے منسوب ایک لوح کے متعلق بیان کرنے جا رہا ہوں ۔ میری اپنی ہمیشہ سے کوشش رہی ہے کہ ایسے اعمال بیان کروں جو عام تعلیم یافتہ فرد بھی خود سمجھ کر اپنے لئے تیار کر سکے ۔
اس عمل کا تعلق نظرات سیارگان میں تثلیث یا تسدیس عطارد و مشتری سے ہے ۔ یہ عمل اپنا کام ضرور کرے گا اگر خدا کا فضل آپ کے ساتھ ہوا
مورخہ ۵نومبر ۲۰۱۰ عیسوی بوقت صبح ۲ بجکر ۴۵ منٹ پر یہ وقت آرہا ہے ۔ جفری عملیات تیار کرنے والے اس وقت کے منتظر ہوتے ہیں
یہ نظر کبریت احمر کا حکم رکھتی ہے ۔ اگر امر ربی ہی مانع ہو تو علیحدہ بات ہے کہ اثرات زائل ہوجائیں بصورت دیگر اس کی تاثیر مسلمہ ہےوہ تمام افراد جو روزگار کی تلاش میں ہیں ، باوجود سعی و بسیار کے روزگار نہیں مل پا رہا ہے یا وہ افراد جنہیں روز بروز کاروبار میں نقصان کا سامنا کرنا پڑ رہا ہے یا خدانخواستہ کاروبار میں کسی قسم کی بندش واقع ہو چکی ہو ، یا وہ افراد جن کا تبادلہ کسی سبب نہ ہوتا ہو اور اپنے تبادلہ کے خواہاں ہوں یا وہ افراد جن کی ترقی رکی ہوئی ہو یا علمی رکاوٹ کا سامنا کرنا پڑ رہا ہو ۔ یہ لوح آپ کو خوش قسمتی سے ہمکنار کردے گی انشاء اللہ ۔طریقہ تیاری لوح مبارکہ الفاتحہ
سورہ فاتحہ کے اعداد بذریعہ ابجد قمری حاصل کریں ۔
ان میں اپنے نام مع والدہ کے اعداد اور مقصد کے اعداد لے کر نقش مربع آتشی پر کریں ۔
اب گیارہ روز تک سورہ فاتحہ روزانہ ایک وقت مقررہ پر ۱۰۱ مرتبہ پڑھیں اول و آخر ۲۱ مرتبہ درود شریف ۔
بارھویں روز لوح کو گلے میں پہن لیں ۔ بفضل خدا آپ کا مقصد پورا ہوجائے گا۔مثال ۔ نام سائل بمعہ نام والدہ کے اعداد : ۴۶۱
سورہ فاتحہ کےاعداد ۱۰۱۴۶
مقصد۔ کاروبار میں ترقی ہو۱۲۵۱یہاں اکثر احباب میرے استخراج کردہ اعداد سے اختلاف کر سکتے ہیں ۔ کیونکہ اکثر حضرات نے سورہ فاتحہ کے اعداد ۹۳۶۰ تحریر فرمائے ہیں
ان کی خدمت میں عرض ہے کہ بغیر بسم اللہ الرحمن الرحیم کے اس سورہ کی آیات کی تعداد ۶ ہونگی جب کہ ہم جانتے ہیں کہ اس سورہ کو سبع ثمانی بھی کہتے ہیں اگر بغیر تسمیہ کے اعداد لے لئے جائیں تو سبع ثمانی کیسے ہوئی؟؟؟۔
لہٰذا بمعہ تسمیہ اعداد ۱۰۱۴۶ (دس ہزار ایک سو چھیالیس ہونگے)۔
اب ان اعداد کو مربع آتشی میں پر کرنا ہے ۔ یعنی کل اعداد سے ۳۰ عدد قانون کے نفی کرکے ۴ پر تقسیم کرنا ہے حاصل قسمت کو خانہ اول میں رکھ کر ایک ایک کے اضافہ سے نقش کو پر کرنا ہے ، تقسیم سے اگر کوئی ایک باقی بچیں تو خانہ نمبر ۱۳ میں ، دو بچنے کی صورت میں ۹ میں اور تین بچنے کی صورت میں خانہ ۵ میں ایک عدد کا مزید اضافہ کیا جاتا ہے ۔درج بالا مثال میں ہمارے پاس تین اعداد حاصل ہوئے ہیں ۔ نام بمعہ نام والدہ کے اعداد ۴۶۱۔ سورہ فاتحہ کے اعداد ۱۰۱۴۶، مقصد کے
اعداد1251۔ مجموعہ 11858۔۔۔۔
قانون کے ۳۰ عدد نفی کئے ۔ 11828
2957۴پرتقسیم کیا۔حاصل قسمت
نقش کے خانہ اول میں 2957کو رکھ کر ایک ایک کے اضافہ سے نقش کو پر کیا تو درج ذیل نقش وضع ہوا۔
پہلے چال نقش ملاحظہ کیجئے ۔
