ترتیب اور ترکیب سے معانی بھی تبدیل ہوجاتے ہیں اور اثرات بھی ۔ دو حرف دو جگہ ہیں مگر اپنے اپنے مقام پر جداگانہ حیثیت و اثرات کے حامل ہیں ۔ مثلاََ اللہ کا الف اپنے مقام پر اور معنی اور اثر پیدا ہوئے ہے ۔ جبکہ ابلیس کا الف اپنے مقام پر مختلف اثرات اور معنی کا حامل ہے ۔ قرآن پاک ابجد کے ان ہی اٹھائیس حروف کا مرکب ہے مگر قرآن پاک کا ہر حرف برکات و حسنات کا خزانہ ہے اس میگزین میں بے شمار اعمال شائع کئے جا چکے ہیں جن سے اکثر و بیشتر حضرات نے فیض حاصل کیا ہے لیکن بہت سے حضرات ایسے بھی ہیں جو فائدہ حاصل نہیں کر سکے ۔ متضاد اثر بھی قرآن پاک کا اعجاز ہے ۔ اکثر وہی حضرات اثرات سے محروم رہتے ہیں جو قوانین عملیات کو پس پشت ڈال دیتے ہیں۔ اکثر اعمال کے ہمراہ لکھا ہوتا ہے کہ یہ مجرب المجرب عمل ہے لیکن اس عمل کے بارے میں عاملین نے مطلع الانوار جیسے لفظ کا استعمال کیا ہے ۔ جس سے دل روشن ہوجاتا ہے یہ عمل اکثر عاملین میں سند اول کا درجہ رکھتا ہے خدا چاہے تو اس کا اثر باطل نہ ہوگا
قرآن پاک کے ستائیسویں پارے میں ایک سورہ الذاریات ہے ، اس سورہ مقدسہ کے آخر میں یہ آیت شریف ہے
ما ارھیدمنھم سے متین تک ۔ اس آیت پاک کے اعداد ابجد قمری کی رو سے تین ہزار پانچ سو ستائیس (۳۵۲۷) ہیں اور اس کا مثلث خالی البطن یہ ہے ۔ (نقش آخر میں ملاحظہ فرمائیے)۔
آپ روزانہ یہ نقش سترہ عدد لکھا کریں بس ایک شرط اس میں مشکل ہے کہ روزانہ نقش طلوع آفتاب سے قبل لکھ لیا کریں ۔ اگر آفتاب طلوع ہوگیا اور نقش نہیں لکھے ہیں تو عمل کا اثر کم ہوجائے گا ۔ نقش باوضو زعفران سے لکھا کریں قلم دوات نیا بنائیں ۔ یاد رہے کہ اس قلم اور دوات سے اس سے قبل اور کچھ نہ لکھا گیا ہو ۔ سات ، چودہ سترہ اکیس دن میں اس کا اثر خاص معلوم ہوگا ۔ اور روزی ، روزگار میں ترقی اور برکت ہوگی ۔ اور جب روزانہ نقش لکھتے لکھتے تعداد ۳۵۲۷ ہوجائے گی تو اس کا خاص اثر ظاہر ہوجائے گا گویا اگر کہوں کہ دست غیب کا حامل ہوجائے گا تو کوئی بعید نہیں ۔ یاد رکھیں کہ جس شے کا نام عمل ہے اور جس کا نام عامل ہوتا ہے وہ خون جگر کھا کر ہی حاصل ہوتا ہے ۔ اگر عمل یا عامل ہوجانا آسان ہوتا تو ہر شخص عامل ہوجاتا ۔ آخر میں عرض ہے کہ تقاضائے بشریت ہے ، بیماری ہے ، خواب ہے یا کوئی اور وجہ ہے کہ آپ طلوع آفتاب سے قبل بیدار نہ ہو سکیں تو عمل کو ترک نہ کریں بعد طلوع کام پورا کریں ، آخر میں اس نقصان کی تلافی ہوجائے گی ۔ لکھے ہوئے نقوش کو زمین دفن کرنا ہوگا ۔
خواہ روز کا روز کریں یا چند دن کے اکٹھے کرلیا کریں ۔جو نقش روز تحریر کرنا ہے وہ درج ذیل ہے ۔
