ماہ جنوری ۲۰۱۰ میں ایک مضمون بنام سعادت مشتری کے نام پر پیش کیا گیا تھا ، ماہ مارچ ۲۰۱۰ کے دوران بھی بلحاظ نجوم مشتری کا ایک ایسا سعید وقت قریب آرہا ہے ۔ سیارہ مشتری کی خاصیت اور اس کے اثرات کے تحت ہم ماہ جنوری میں ہم مختصر مگر جامع تحریر پیش کر چکے ہیں
لہٰذا دوبارہ تحریر کرنا طوالت کا باعث ہوگا۔ نئے قارئین اگر ان اثرات کے متعلق پڑھنا چاہیں تو ماہ جنوری کا مضمون پڑھ لیں ۔ لنک درج ذیل ہے
https://www.roohanialoom.com/?p=1108
سیارہ مشتری کا یہ سعید وقت ۱۴ مارچ ۲۰۱۰ بوقت ۱۱ بجکر ۳۸ منٹ صبح بقام اسلام آباد پاکستان اسٹینڈرڈ ٹائم کے واقع ہوگا۔
مشتری برج حوت میں مقیم ہے جو کہ اس کا ذاتی گھر ہے ۔
دسویں گھر کے ہمراہ حالت قران میں ہے ۔
زائچہ پر غور کریں تو اس کی طاقت مثبت ۸ ہے۔
دونوں سیارگان (قمر و مشتری ) نحوست سے پاک ہیں ۔
مشتری کی ساعت ہوگی۔
اس وقت اس کی تاثیر جو اہل زمین کے لئے ہوگی وہ حصول مال و دولت کے اعتبار سے حیران کن اثرات کی حامل ہونگی ۔
وہ افراد جو عملیات کی تاثیر کے منکر ہیں انہیں دعوت عام ہے کہ اس وقت کی تاثیر کو آزمائیں۔
اہل علم حضرات کے لئے زائچہ نجوم پیش خدمت ہے ۔
اس مرتبہ ہم حصول مال و دولت کے لئے نقش مثمن روشن قدسی کی چال سے پیش کر رہے ہیں خیال رہے کہ مرحوم کاش البرنی نے بھی اس کی بے حد تعریف فرمائی ہے ۔
روشن قدسی کی نقش مثمن کی یہ چال فراخی رزق ، زائد آمدن ۔ترقی و مرتبہ ۔ بڑوں کے نزدیک معزز و مکرم ہونے کے لئے تیار کی جاتی ہے ۔
اس لوح کا حامل ہونا گویا اسباب دولت کے ایک عظیم سبب کا اخیتار کرنا ہے ۔
اگر خدا نے آپ کو استطاعت دی ہے تو سونے کی لوح تیار کریں اگر استطاعت نہیں تو چاندی کی لوح بنائیں۔
سونے کی لوح کے اثرات تیز ہونگے جبکہ چاندی کی بنائی گئی لوح کے اثرات دھیمے ہونگے ۔
لیکن فائدہ بہرکیف دونوں صورتوں میں یکساں ملے گا بس دیر سویر کا معاملہ ہوگا۔
انشاء اللہ ایک سال کے اندر انسان غنی ہوجائے گا جو نقش مثمن اس سلسلے میں پیش کیا جا رہا ہے یہ زوج الزوج نقش ہے ۔
صاف و پاک کپڑے پہن کر علیحدہ کمرہ میں کندہ کریں ۔ تمام اشیاء و لوازمات عمل وقت مخصوص سے قبل مہیا کرلیں ۔
جب نقش کندہ کر رہے ہوں تو بخور صندل و عود کا سلگاتے رہیں۔جب لوح تیار ہوجائے تو سبز ریشمی کپڑے میں لپیٹ کر سی لیں ۔
حسب توفیق صدقہ دیں اور ختم کرائیں اس کے بعد اپنے پاس رکھ لیں ۔
روزی بے حد فراخ ہوگی ۔ مختلف بہانوں سے روپیہ آئے گا۔ اگر کسی جگہ رقم پھنس گئی ہے تو اس کے ملنے کے بھی اسباب پیدا ہونا شروع ہوجائیں گے ۔ گویا قسمت کھل جائے گی ۔
اس لوح میں آٹھ دور ہیں ۔ تین جگہوں پر ہندسوں میں تبدیلی ہے جو درج ذیل ہے
۱۔ پہلا و دوسرا دور ۳۰ سے شروع ہوکر ۴۵ پر ختم ہوتا ہے ۔
۲۔تیسرا ، چوتھا ، پانچواں اور چھٹا دور بالترتیب ۵۹ سے شروع ہو کر ۹۰ پر ختم ہوتا ہے جس میں تیسرا دور ۵۹ تا ۶۶
چوتھا دور ۶۷ تا ۷۴
پانچواں دور ۷۵ تا ۸۲
چھٹا دور ۸۳ تا ۹۰ ہے۔
۳۔ ساتواں اور آٹھواں دور ۴۴۵ سے شروع ہو کر ۴۶۰ تک ختم ہوگا ۔
اس لوح کو لوح سعادت مشتری کے نام سے بھی موسوم کیا جاتا ہے اس کا سبب یہ ہے کہ لوح کے کونوں پر حرف ل اور ع (حروف نورانی)وہ ہیں جو سیارہ مشتری سے تعلق رکھتے ہیں ۔ وہ لوگ جنہوں نے حروف نورانی کی زکات ادا کردی ہے وہ اپنے لئے تیار کر سکتے ہیں البتہ وہ لوگ جو مربع کی زکات کے بھی حامل ہیں دوسروں کو بھی تیار کرکے دے سکتے ہیں اس لوح کے بطن میں سیارہ شمس کے حروف نورانی ص۔ س بھی قائیم ہیں اس لوح کے کل اعداد ۱۲۷۸ ہیں جو کہ مساوی ہے الہ خیر الناصرین کے ۔
لوح کے اوپر "الہ خیر الناصرین” تحریر کریں ۔ اور اسی کی وساعت سے ہی روزانہ دعا کیا کریں اللہ بہت برکت دے گا۔
لوح کی پشت پر ایک مخصوص طلسم پیش کیا جا رہا اسے بھی کندہ کردیں ۔
طلسم کے اردگرد گولائی کی صورت میں "الہ خیر الناصرین ” تحریر کریں ۔
نقش مندرجہ ذیل ہے ۔
