طلسم ہیکل سلیمانی کے سلسلے کو مزید آگے بڑھاتےہوئے اس کی چوتھی قسط پیش کی جا رہی ہے اس سے قبل اعمال کبیر سے تین اعمال پیش کئے جا چکے ہیں جو گزشتہ مضامین کے تحت ملاحظہ کئے جا
سکتے ہیں ۔

اعمال وسیط

عمل اول

حب و تسخیر کے ذیل کے عمل کے بجالانے کی ترکیب اس طرح پر ہے کہ عروج ماہ میں نوچندی جمعرات کی رات کو نصف شب کے وقت بیدار ہو کر نہا دھوکر پاک و صاف کپڑے پہنہیں اور کسی علیحدہ مکان میں خوشبودار قسم کا کوئی دخنہ جلاکر عمل کے لئے بیٹھ جائیں ، اول وآخر درود پاک کے ساتھ طلسم ہیکل سلیمانی کی عبارت عمل کو تین سو تین (۳۰۳) مرتبہ پڑھیں پھر ذیل کے طلسماتی کلمات کو ایک سو چالیس مرتبہ تلاوت کریں ۔ اس عمل کو ایک چلہ تک روزانہ متذکرہ الصدر طریقے کے مطابق بلاناغہ بجالاتے رہیں تو خدا کے فضل و کرم سے آپ کا محبوب آتش محبت سے بے قرار ہو کر خودبخود چلا آئے گا کلمات طلسمات یوں ہے ۔

عمل دوم

ابوالفرح علی ابن حسین اصبہانی کتاب معانی الاعداد میں لکھتے ہیں کہ جب عطارد مستقیم السیر ہو تو اس وقت سفید مرغابی اور سفید کبوتر کی کھال لے کر ان کھالوں کی ایک ٹوپی بنائیں اور طلسم ہیکل سلیمانی کی عبارت کے کلمات کو ہرن کی جھلی پر لکھ کر اس جھلی کو اس ٹوپی کے اندر چھپا کر رکھیں ۔ بوقت ضرورت اس ٹوپی کو سر پر پہن کر جس کے پاس بھی ملاقات کے لئے جائیں گے اور اس سے جو حاجت بھی بیان کریں گے تو وہ شخص نہ صرف عامل کی حاجت روائی کرے گا بلکہ حد درجہ کی عزت افزائی کا مظاہرہ بھی کرے گا۔

عمل سوم

کتاب طلسمات میں وارد ہے کہ جب قمر زائد النور ہو اور زہرہ برج شرف میں ہو تو اس وقت ایک نقرئی لوح پر فولادی قلم کے ساتھ طلسم ہیکل سلیمانی کی عبارت کو کندہ کرلیں ، پھر اس لوح کو دریا ، نہر یا جاری پانی میں ڈال دیں اور ایسا کرتے وقت سب سے پہلے ذیل کے کلمات طلسمات کا سات یا نوبار ورد کریں پھر مطلوب کا نام لے کر چند ایک بار بلند آواز کے ساتھ پکاریں ۔ ا س عمل کی قوت و تاثیر سے مطلوب بہت جلد حاضر ہوجائے گا ۔ متذکرۃ الصدر ترکیب نہایت سریع التاثیر ہے اکسیر ہے اور آزمودہ ہے ۔ مطلوب کیسا ہی مغلوب و سرکش کیوں نہ ہو اس سہل الحصول قسم کے عمل سے بلا توقف نہایت بے قرار ہو کر اپنے طالب کے پاس پہنچ جاتا ہے ۔ کلمات طلسمات ملاحظہ فرمائیے ۔