طلسم شمس از غائت الحکیم
جیسا کہ کچھ عرصہ قبل لکھا گیا تھا کہ”غائت الحکیم آسٹرالوجی میجک پر لکھی جانے والی ایک مشہور و معروف کتاب ہے جو کہ علامہ مجریطی کی تصنیف ہے ۔ یہ کتاب سنہ ۱۰۰۰ھجری میں اندلس میں عربی زبان میں شائع کی گئی تھی ۔ جس کا لاطینی ترجمہ سنہ ۱۲۵۶ ھجری میںبادشاہ انفسونو نے کروایا ۔اس کتاب میں درج الواح و طلاسم کو تیار کرنے کے لئے علم نجوم کے بہت سے اصولوں کو مد نظر رکھا جاتا ہے ۔ سیارگان کی سعادت و نحوست ، ان کی طاقت ، اور خصوصاََ پیدائشی طالع میں قمر کی طاقت کو دیکھا جاتا ہے اس کے بعد لوح یا طلسم کا انتخاب کیا جاتا ہے جن سے فوری اثرات کا ظہور ہوتا ہے ۔ ایک ہی لوح یا طلسم پوری زندگی کے لئے کافی ہوتا ہے ۔ ان الواح و طلاسم کی تیاری میں جیسا کہ بتایا گیا کہ علم نجوم کے بہت سے اصولوں کو مد نظر رکھنا پڑتا ہے ۔ اسی بات کو مد نظر رکھتے ہوئے ہم گاہے بگاہے ان اصولوں کے ہمراہ الواح و طلاسم تیار کرنے کے طریقہ کار کو پیش کرتے رہیں گے ۔ امید ہے کہ قارئین کے علم میں باعث اضافہ علمی ہوگا۔”اسی بات کو مد نظر رکھتے ہوئے اس سلسلے کی مضمون پیش خدمت ہے۔شمس تمام کواکب میں بادشاہ کا درجہ رکھتا ہے اور تمام کواکب شمس سے ہی زندگی اور روشنی حاصل کرتے ہیں جب یہ برج اسد میں داخل ہوتا ہے ۔ تو یہ ایسا مقام ہے جہاں اسے تاج سلطنت پہنایا جاتا ہے ۔ علم نجوم کی رو سے کوئی بھی ستارہ جب اپنے ہی گھر میں ہوتا ہے تو وہ مانند بادشاہ ہوتا ہے علم جفر و عملیات کے نقطہ نظر سے یہ وہ مقام ہوتا ہے جہاں وہ تمام سعد تاثیرات کا حامل ہوتا ہے اور اس وقت اس کی قوت اس قدر عظیم ہوتی ہے جس کا اندازہ کرنا انسان کے علم سے باہر ہے ۔
علمائے جفر مدتوں سے انسانی عروج و بلندی کے حصول کے لئے اس کی تاثیر کو زمین پر قبض کرتے رہے ہیں اس روحانیت کو قبض کرنے کے لئے مادہ سفلی پر اسے اتار لیتے ہیں اور افادہ کرتے ہیں ۔ اس وقت جو نقوش تیار کئے جائیں گے وہ برائے تسخیر قلب سلاطین ۔ حصول شوکت و حکومت اور عزیز خلق ہونے کے لئے ہوتے ہیں ۔ اب اگر کسی شخص کو باجود کوششوں اور سفارشوں کے ترقی نہیں مل سکی تو وہ فائدہ حاصل کر سکتا ہے اگر کسی شخص کے افسران ناراض رہتے ہیں یا وہ اسے کماحقہ فائدہ نہیں پہچاتے ہیں تو وہ اس طلسم شمس سے فیض یاب ہو سکتے ہیں ۔ یا اگر کسی شخص کو خلقت میں عزت نہیں یا کسی کاروباری شخص یا لیڈر کو تسخیر خلق کی ضرورت ہے تو اس کو یہ طلسم شمس اپنے پاس رکھنا چاہئے جس شخس کے پاس یہ طلسم ہوگا وہ ترقیوں کے مدارج طے کرتا جائے گا اعلیٰ عہدہ پر فائز ہوجائے گا پیدائشی کمزوریوں ۔ فطری کمزوریوں اور سیارگان کی قوتوں کی کمی کو اسی طرح پورا کیا جا سکتا ہے اگر وقت آپ کے خلاف ہے ماحول خلاف ہے حسد اور ریشہ دوانیاں کرنے والے متواتر نقصان پہنچا رہے ہیں زندگی اب تک نہیں بن سکی تو طلسم شمس سے فائدہ حاصل کریں اور اس نازک دور میں تو ہر شخص کو اس کی قوت کی ضرورت ہے جبکہ مال ، عزت اور ترقی یا ملازمت کا ہر وقت خطرہ لگا ہوا ہے اس سلسلے میں ایک مشہور عمل لکھتا ہوں اسمائے اربعین جفر اور تصوف کی کتابوں میں مشہور ہیں ان میں سے ایک یہ ہے یا الہ الا لھتہ الرفیع جلالہ ۔ اعداد کے معہ یا کے ۹۷۴ ہیں ۔ یہ اسماء علوئے مرتبت اور تسخیر خلق کے لئے بہت اعلیٰ اور مکرم ہیں آپ میں اگر حصول ترقی اور حصول عزت کی کمی ہے یا افسران میں مقبول بننا چاہتے ہیں تو اس اسم معظم کو پاس رکھ کر عطیم قوت کی مدد حاصل کریں جو بہت تھوڑے عرصہ میں ای۹ک کامیاب لیڈر ۔ دولت مند دوکاندار اور معزز شہرہ ۔ پرتوقیر مذہبی رہنما کا درجہ دلادے گی ۔ ملازم ہیں تو نہ صرف ترقی پائیں گے بلکہ افسران میں مقبول ہوں گے اگر آپ کا خلقت سے کام ہے جیسے ایجنٹ وغیرہ اور لوگ جن سے ملتے ہیں وہ آپ کے کہنے کو وقت نہیں دیتے ۔ جس سے کاروبار پر خراب اثر پڑتا ہے تو اس اسم کی قوت سے فیض حاصل کریں لوگوں کو جو کہیں گے وہ کریں گے حلقہ میں عزت ہوگی اور ہر بڑا چھوٹا سر تسلیم خم کرے گا محبت کرے گا کام کرنا سعادت سمجھے گا گھر اور باہر ۔ کام کے ساتھیوں اور افسران میں مقبول ہوجائیں گے اس اسم کی لوح کی ذوالکتابت ہوگی جو یہ ہے اس تمام لوح میں چال سے جو اعداد آتے ہیں ان کی جگہ بجائے اعداد کے اسماء باری تعالیٰ لکھے گئے ہیں ۔
لوح اصل تیار کرنا ہوگی ۔ دوسری لوح سمجھانے اور چال کی غرض سے دی گئی ہے ۔ لوح اصلی کو تیار کرکے اس کے اوپر موکل کا نام جعظئیل (ج ع ظ ء ی ل ) اور ۷۸۶ لکھے ۔ دائیں جانب "وکفی باللہ شھیدا محمد رسول اللہ "اور بائیں جانب اسمائے طلسم شمس یعنی ” ابرثا ۔ صبرثا۔ صارثا۔ صورثا” لکھیں لوح کے نیچے لکھیں ” اللھم سخرلی جمیع خلقک کما سخرت لسلیمان بن داؤد علیہم السلام "۔
اب یہ لوح مکمل ہے ۔ لوح کے اندر کے تمام اسماء بمطابق چال کے پر کرنا ہونگے ۔ مندرجہ ذیل ہدایت کو مد نطر رکھیں ۔
اس سال یہ وقت ۸ اگست ۲۰۱۰ بروز اتوار صبح ۵ بجکر ۲۹ منٹ پر بمطابق شہر اسلام آباد پاکستان آئے گا ۔ ساعت اول یعنی شمس کی ساعت ہوگی ۔ اس وقت شمس برج اسد میں ۱۵ درجہ اور ۲۳ دقیقہ پر ہوگا۔ وقتی طالع بھی برج اسد ۱۵ درجہ اور ۳۱ دقیقہ ہوگا اور نحوست سے پاک ہوگا۔ اس کی طاقت جو کہ علم نجوم کے بہت خاص اصولوں کو مد نظر رکھ کر نکالی جاتی ہے اس وقت مثبت ۸ ہوگی ۔ ستارہ قمر بھی اپنے گھر یعنی برج سرطان میں ہوگا اور نحوست سے پاک ہوگا اور سہم السعادت کے ساتھ حالت قران میں ہے اس کی طاقت مثبت ۵ ہے اتوار شمس کا متعلقہ دن ہے ۔
نجوم سے دلچسپی رکھنے والوں کے لئے زائچہ نجوم پیش خدمت ہے ۔
